KAFEDRA HAQIDA

“Asbobsozlik” kafedrasi 1988-yilda institutning Tibbiy elektronika va introskopiya nomi bilan tashkil etilgan. 1992-yilda Toshkent davlat texnika universitetining Farg‘ona filiali tashkil etilib, kafedra uning tarkibida faoliyat yuritgan. 1995-yilda kafedra Farg‘ona politexnika instituti ixtiyorida Asbobsozlik o‘quv-ilmiy ishlab chiqarish markazi sifatida tashkil etilgan. Kafedraning birinchi mudiri texnika fanlari nomzodi, dotsent G.N.Soy bo‘lib, U kafedrani 1988-1993-yillarda boshqardi. 1993-1995-yillarda t.f.n., dotsent Yu.Mamasodikov, 1995-1998-yillarda t.f.n., dotsent Sh.Temirov, 1998-2008-yillarda t.f.n., dotsent O.X.Quldoshev, 2008-2010-yillarda f.-m.f.n., dotsent E.Raximov, 2010-2013-yillarda f.-m.f.d. G.A.Nabiyevlar boshqargan. 2013-yildan kafedra nomi Elektronika va asbobsozlik nomiga o‘zgartirilgan va 2013-yilda t.f.n., dotsent S.Abduraxmonov, 2014-2015-yillarda t.f.n., dotsent T.Bo‘tayev boshqargan. 2015-2017-yillarda f.-m.f.d. A.Rasulov, 2017-2018- yillarda B.Axmadaliyev, 2018-2019-yillarda X.T. Yo‘ldashev, 2020-yildan buyon kafedra mudiri lavozimida PhD, dotsent A.A.Quchqarov  faoliyat yuritmoqda.

­KAFEDRADA FAOLIYAT OLIB BORGAN KAFEDRA MUDIRLARI

YO‘NALISHLAR

Bakalavriat:

60711200 - Elektronika va asbobsozlik (tarmoqlar bo‘yicha)

60711700 - Texnologik jarayonlar va ishlab chiqarishni avtomatlashtirish va boshqarish (tarmoqlar bo‘yicha)

60610700 – Sun’iy intellekt

60611000 - Telekommunikasiya texnologiyalari (“Telekommunikasiyalar”, “Teleradioyeshittirish”, “Mobil tizimlar”)

60711000 - Muqobil energiya manbalari (turlari bo‘yicha)

60712000 - Elektron apparatlarni ishlab chiqarish texnologiyasi

Bakalavr sirtqi (rejalashtirlgan)

60711700 - Texnologik jarayonlar va ishlab chiqarishni avtomatlashtirish va boshqarish (tarmoqlar bo‘yicha)

Magistratura

70711001 - Muqobil energiya manbalari (turlari bo‘yicha)

70712001 - Elektron apparatlarni ishlab chiqarish texnologiyasi va elektronika sanoati texnologik mashinalari va jihozlari

70611002 - Axborot uzatish qurilmalari va tizimlari

70710901 - Energiya tejamkorligi va energoaudit (tarmoqlar bo‘yicha)

70711401 - Texnologik jarayonlar va ishlab chiqarishni avtomatlashtirish va boshqarish (kimyo, neft-kimyo va oziq-ovqat sanoati)

Doktorantura (PhD)

05.05.06 - Qayta tiklanadigan energiya turlari asosidagi energiya qurilmalari 

05.01.08 - Texnologik jarayonlar va ishlab chiqarishni avtomatlashtirish

05.03.01 - Asboblar. O‘lchash va nazorat qilish usullari (tarmoqlar bo‘yicha)

05.05.08 – Elektronika

Kafedrada 2 ta ilmiy va 4 ta o‘quv laboratoriyasi hamda 3 ta virtual laboratoriyalar zamonaviy asbob-uskunalar bilan jihozlangan. Shu bilan birga, 2 ta o‘quv ustaxonalari va 1 ta Geliopoligon mavjud. Elektronika va asbobsozlik kafedrasi  institutning yuqori ilmiy salohiyatga ega bo‘lgan kafedralaridan biri bo‘lib, kafedrada 5 ta ixtisosliklar bo‘yicha tayanch doktoranlar va mustaqil tadqiqotchilar ilmiy izlanishlar olib bormoqda.

Ilmiy izlanishlar natijalariga ko‘ra, oxirgi yillarda O.M.Mamatov, (PhD) dissertatsiya ishi himoya qildi. Shu bilan birga S.F. Ergashev, O‘.R. Salomov, A.A. Quchqarov, M.Q.Toxirov, N.Umaraliyevlar 2023-yilda professorlik va dotsentlik unvonini oldilar.

Kafedraga biriktirilgan 05.05.06-Qayta tiklanuvchi energiya turlari asosidagi energiya qurilmalari, 05.03.01-Asboblar. O‘lchash va nazorat qilish usullari (tarmoqlar bo‘yicha), 05.01.08-Texnologik jarayonlar va ishlab chiqarishni avtomatlashtirish va boshqarish, 05.05.08-Elektronika ixtisosliklari bo‘yicha  tayanch doktoranturada 25 nafar doktorant tadqiqotlar olib borishmoqdalar. Farg‘ona politexnika instituti huzuridagi ilmiy darajalar beruvchi PhD.03/27.02.2020.t.106.02 raqamli Ilmiy kengash va Ilmiy seminar a’zolarini ko‘pchilik qismini kafedraning professor-o‘qituvchilari tashkil etadi.

2023-yilda kafedra professor-o‘qituvchilarining ilmiy izlanishlari natijasida 3 ta monografiya, 380 dan ortiq ilmiy maqolalar va tezislarda chop etilgan. Kafedra olimlari tomonidan 40 dan ortiq dasturiy mahsulotlarga mualliflik guvohnomalari va 5 ta ixtiro va foydali modellarga patentlar olingan. Kafedra o‘quv jarayonini ta’minlash maqsadida kafedra professor-o‘qituvchilari tomonidan 16 ta o‘quv qo‘llanma, 200 dan ortiq nomdagi ma’ruza matnlari, uslubiy qo‘llanmalar va ko‘rsatmalar chop etilgan.

Davlat ilmiy-texnika dasturlari doirasida kafedra professor-o‘qituvchilari, magistrantlari hamda talabalari tomonida jami 6 ta ilmiy loyihalar bajarilmoqda. Jumladan, 1 ta xalqaro, 1 ta fundamental, 1 ta amaliy, 1 ta  tijoratlashtirish, 1 ta startap va 1 ta yosh olimlar loyihalari bajarilmoqda.

Bugungi kunda Elektronika va asbobsozlik kafedrasida ERASMUS+ loyihasi doirasidagi 609715-EPP-1-2019-1-UZ-EPPKA2-CBHE-JP “Kosmik aloqa tizimlar va muhandislik kommunikatsiyalarida zamonaviy o‘quv dasturlari”ni ishlab chiqish, 101128871-ERASMUS-EDU-2023-CBHE raqamli DEBSEUz:  “O‘zbekistonda quyosh energetikasi bo‘yicha bakalavrlar uchun maqsadli ta’lim dasturi” bo‘yicha bakalavr hamda magistrlar tayyorlanmoqda. Loyiha doirasida zamonaviy o‘quv laboratoriyalar  tashkil etilmoqda.

O‘zbekiston Respublikasi Oliy ta’lim, fan va innovatsiyalar vazirligi tashabbusi bilan respublikamizning 7 ta, jumladan, “Farg‘ona politexnika instituti  hamda Yevropa Ittifoqining Turin politexnika universiteti (Italiya), Madrid politexnika universiteti (Ispaniya) hamda Evora Universiteti (Portugaliya) hamkorligida “Development of the targeted Educational program for Bachelors in Solar Energy in Uzbekistan” mavzusidagi ERASMUS+ loyihasi doirasida o‘tkazib kelayotgan barcha seminar treninglarida kafedra professor-o‘qituvchilari va tadqiqotchilari muntazam qatnashib kelmoqdalar.

Kafedrada xorijiy oliy ta’lim muassasalari va ilmiy markazlar bilan hamkorlik shartnomalari asosida qo‘shma dasturlar, ilmiy va o‘quv stajirovklari hamda hamkorlikda ilmiy tadqiqot ishlari olib borilmoqda. Jumladan, Novosibirsk davlat texnika universiteti, Tomsk politexnika instituti, Rossiya Fanlar akademiyasining yuqori haroratlar  instituti, M.Auezov nomidagi Janubiy Qozog‘iston davlat universiteti, Qirg‘iziston davlati Osh texnologik universiteti, O‘zbek-Qirg‘iz universiteti, Farg‘ona shahridagi Koreya xalqaro universiteti (KIUF), N.E. Bauman nomidagi Moskva davlat texnika universiteti, Portugaliya Viana de Castelo universiteti, Italiyaning Turin politexnika universiteti,  Turkiyaning EGE universiteti bilan hamkorlikda ishlar olib borilmoqda. 

2023-yilda hamkor oliy ta’lim muassasalari va ilmiy markazlar bilan “Muqobil energiya manbalaridan samarali foydalanish muammolari va yеchimlari” mavzusiga bag‘ishlangan xalqaro ilmiy-amaliy anjuman o‘tkazildi. Anjumanda institutimiz bilan hamkorlikni yo‘lga qo‘ygan Italiya, Rossiya Federatsiyasi, Belarus, Qozog‘iston va yana bir qator davlatlarning nufuzli oliygoh professorlari, dotsentlari, ilmiy xodimlari, shuningdek, xalqaro dastur va loyihalar, yеtakchi tashkilotlar vakillari qatnashdi.

Fakultet qoshida tashkil etilgan markaz va “Electronics and automatics” UK spin-off korxonasida kafedra professor-o‘qituvchilari tomonidan tayyorlangan ishlanmalarni soha tarmoqlariga joriy etish bilan birga 2021-2023-yillarda 20 dan ortiq  xo‘jalik shartnomalar bajarildi.

Elektronika va asbobsozlik kafedrasi dotsenti Abdurahmonov Sultonali Mukarramovich. “O‘zbekiston mustaqilligining 30 yilligi ko‘krak nishoni” hamda “O‘zbekiston Respublikasi konstitutsiyasi 25 yilligi ko‘krak nishoni bilan taqdirlandi.

Iste’dodli yoshlarni qo‘llab-quvvatlash "Ulug‘bek" jamg‘armasi, Oliy ta’lim, fan va innovatsiyalar vazirligi, Yoshlar siyosati va sport vazirligi, viloyatlar hokimliklari hamkorligida Respublikamizdagi iqtidorli yoshlarni kashf qilish uchun "MIRZO ULUGʻBEK VORISLARI" Respublika tanlovida  Z.O.Obidjonov tomonidan yaratilgan "Virtual poligon" loyihasi bilan g‘olib bo‘ldi.

Xorijiy yеtakchi oliy ta’lim muassasalaridan kafedrada o‘quv jarayonlarni yanada takomillashtirish va tashkil etilgan maxsus guruhlar uchun quyidagi professor-o‘qituvchilar tomonidan dars mashg‘ulotlarini olib borilmoqda.

KAFEDRA PROFESSOR-O‘QITUVCHILARI VA ILMIY IZLANUVCHILAR TOMONIDAN  CHOP ETILGAN O‘QUV VA ILMIY ISHLANMALAR:

Nashr etilgan monografiyalar:

1. Монография. Н.Умаралиев, А.У.Максудов. “Исследование космических лучей”. Lap Lambert Academic Publishing, 144 стр. 2022 г.
2. Монография. А.А.Кучкаров, М.С.Пайзуллаханов, О.Р.Парпиев, Сегнетоэлектрические материалы, синтезированные на солнечной печи. – Moldova:, Palmarium Academic Publishing, 65 стр. 2022 г.
3. Монография, С.Ф.Эргашев, А.А.Кучкаров. Solarwassererhitzer- Moldova:, Sciencia Scripts, 85 стр. 2022 г.
4. Монография. А.А.Кучкаров, М.С.Пайзуллаханов, С.Ф.Эргашев. Особенности материалов, синтезированних из расплава на солнечной печи. Латвия: Рига, Lambert Academic Publishing, 164 стр. 2020 г.
5. Монография. А.А.Кучкаров, М.А.Маматқосимов. Зеркально-консентрируюших системы (эффективности их использования). Латвия: Рига,   Lambert Academic Publishing, 172 стр. 2021 г.
6. Monografiya. A.A.Kuchkarov. Linear Solar Concentrator Systems (Solar Concentrators for Energy Supply). Riga: Palmarium Academic, 128 p. 2019 y.

Nashr etilgan o‘quv qo‘llanmalar:

1. A.A.Quchqarov. Quyosh issiqlik ta’minot tizimlari.          O‘quv qo‘llanma.      
2. Sh.D.Sultonov. Elektron qurilmalar ishonchliligi.            O‘quv qo‘llanma.
3. O.M.Mamatov. Qattiq jismli datchiklar. O‘quv qo‘llanma.
4. S.M.Abduraxmonov. Avtomatlashtirishning texnik vositalari.   O‘quv qo‘llanma.
5. T.Dadajonov. Matlab asoslari. O‘quv qo‘llanma.
6. G.M.Qipchaqova. Kimyoviy injiniringda modellashtirish va avtomatlashtirish.          O‘quv qo‘llanma.
7. A.Q.Tojiboyev. Mexatronika asoslari. O‘quv qo‘llanma.
8. N.Umaraliyev. Sxemotexnika va mikroprotsessorli tizimlari. O‘quv qo‘llanma.
9. Y.Mamasodiqov, Z.Y.Mamasodiqova. Sanoat elektronikasi. O‘quv qo‘llanma.
10. N.M.Muzaffarova. Texnologik jarayonlarni modellashtirish. O‘quv qo‘llanma.
11. S.A.Mirzayev. Elektronikada kompyuterli modellashtirish. O‘quv qo‘llanma  .

KAFEDRA PROFESSOR-O‘QITUVCHILARI TOMONIDAN OLINGAN MUALLIFLIK GUVOHNOMA VA PATENTLARI:

1. IAP07432, N.Umaraliyev, Q.Ergashov. Optoelektron namlik datchigini kalibrlash uchun qurilma. 27.06.2023.
2. IAP20220265, Y.Mamasadikov, A.A.Quchqarov, Z.Y.Mamasadikova, U.Y.Mamasadikova. Obyektlar haroratini masofadan nazorat qiluvchi optoelektron qurilma. 25.05.2022
3. FAP02342, R.X.Raximov, A.A.Quchqarov, D.N.Muxtorov. Quyoshli quritish qurilmasi. 06.10.2023.
4. FAP02347, Y.Mamasadikov, A.A.Quchqarov, Z.Y.Mamasadikova, U.Y.Mamasadikova. Pirometr. 19.10.2023.
5. DGU31689, Z.O.Obidjonov, Ishlab chiqarish jarayonlarini VR simulyator yordamida boshqarish dasturi. 21.12.2023.
6. DGU31687, O.M.Urishev, Mikro GES turbinasi aylanishlar sonini hisoblash. 21.12.2023.
7. DGU31685, J.V.Yusupaliyev, “Muqobil energiya manbalari’’ fanidan elektron ma’ruzalar kursi dasturi. 21.12.2023.
8. DGU31686, R.S.Ro‘zaliyev, B.Z.Xaydarov. Propan-butan aralashmasining konsentratsiyasini aniqlovchi mikro kontrollerli gaz analizatori. 21.12.2023.